കശ്യപ മഹര്ഷിയുടെയും അദിതിയുടെയും പുത്രനായ ഭഗനെയാണ് ഭാഗ്യസൂക്തം ജപിച്ചു പ്രീതിപ്പെടുത്തുന്നത്. ഈ മന്ത്രങ്ങള് ഋഗ്വേദത്തില് നിന്നുള്ളതാണ് . ഇത് രാവിലെ ജപിക്കുകയാണെങ്കില് ലക്ഷം ശിവാലയ ദര്ശന ഫലം ലഭിക്കും. രോഗിയായ ഒരുവന് ദിവസവും ജപിക്കുകയാണെങ്കില് വേഗം രോഗ വിമുക്തനാകും.
ഓം
പ്രാതരഗ്നിം പ്രാതരിന്ദ്രം ഹവാമഹേ
പ്രാതമ്മിത്രാ വരുണാ പ്രാതരശ്വിനാ
പ്രാതര്ഭഗം പൂഷണം ബ്രഹ്മണസ്പതിം
പ്രാതസ്സോമ മുതരുദ്രം ഹുവേമ ||
അര്ത്ഥം : ഈ പ്രഭാതത്തില് സ്വന്തം പ്രകാശ സ്വരൂപനായ ജഗദീശ്വരനെ പ്രാര്ഥിക്കുന്നു. പരമ ഐശ്വര്യ ദാതാവായ അങ്ങ് എന്റെ ശരീരത്തിലെ എല്ലാ പ്രാണനുകളും (പ്രാണന്, ഉദാനന് ,വ്യാനൻ , അപാനന് , സമാനന്) കൃത്യമാക്കണം. അങ്ങാണ് സൂര്യനെയും ചന്ദ്രനേയും സൃഷ്ടിച്ചത്. അങ്ങയെ ഞങ്ങള് ഭജിക്കുന്നു. ഈ പ്രപഞ്ചത്തെയുംവേദങ്ങളെയും സദാ രക്ഷിക്കുന്ന ജഗദീശ്വരാ അങ്ങ് ഞങ്ങളുടെ എല്ലാ രോഗങ്ങളും ദുരിതങ്ങളും അകറ്റിയാലും.
പ്രാതര്ജ്ജിതം ഭഗമുഗ്രം ഹുവേമ
വയം പുത്ര മദിതേര്യ്യോ വിധര്ത്താ
ആധ്രശ്ചിദ്യം മന്യമാന സ്മരശ്ചില്
രാജാ ചിദ്യം ഭഗം ഭക്ഷീത്യാഹ ||
അര്ത്ഥം : ഈ രാവിലെ ഞങ്ങള് അങ്ങയെ പ്രാര്ത്ഥിക്കുകയാണ്. അങ്ങ് ഈ ലോകത്തിലെ എല്ലാ വസ്തുക്കളെയും ഉള്ക്കൊള്ളുന്നു. ഞങ്ങള്ക്ക് ഈ ഐശ്വര്യമെല്ലാം അങ്ങ് നല്കണം. അങ്ങ് എല്ലാം അറിയുന്നു. എനിക്ക് ഈ ലോകത്തില് എല്ലാ ഐശ്വര്യങ്ങളും അങ്ങ് നല്കിയാലും. ഈ ലോകത്ത് എത്ര സൂര്യന്മാരുണ്ട് എത്ര നക്ഷത്രങ്ങള് ഉണ്ട് , അവയെയെല്ലാം അങ്ങാണ് രക്ഷിക്കുന്നത്. അതിനാല് അങ്ങ് ഞങ്ങള്ക്ക് എല്ലാ ഐശ്വര്യങ്ങളും നല്കിയാലും. അതിനായി അല്ലയോ ഈശ്വരാ ഞങ്ങള് അങ്ങയെ സ്തുതിക്കുന്നു. പ്രാര്ഥിക്കുന്നു.
ഭഗപ്രണേതര് ഭഗസത്യരാധ:
ഭഗേമാന്ധിയ മുദവാദദന്ന:
ഭഗപ്രണോ ജനയ ഗോഭിര സ്വൈ:
ഭഗപനൃഭിര് നൃവന്ത സ്യാമ ||
അര്ത്ഥം : ഈശ്വരാ അങ്ങ് ഭാജനീയനാണ്. എല്ലാം അങ്ങയുടെ സൃഷ്ടിയാണ്. എല്ലാ ഐശ്വര്യങ്ങളുടെയും മൂര്ത്തിയാണ്. എല്ലാ ധനങ്ങളും അങ്ങ് തരുന്നു. സത്യവും ധര്മ പ്രവര്ത്തനവും നടത്താന് ഐശ്വര്യം വേണം. ആ ഐശ്വര്യം തന്നാലും. ആ ഐശ്വര്യം ലഭാക്കാന് നല്ല ബുദ്ധി വേണം. ബുദ്ധി നല്കി ഈശ്വരാ ഞങ്ങളെ രക്ഷിച്ചാലും. ഈശ്വരാ ഞങ്ങള്ക്ക് പശു, കുതിര എന്നിവയെ നല്കിയാലും (പശു എന്നാല് ഐശ്വര്യാ മുള്ളത് എന്നാണു. കുതിര മുന്നോട്ടു മാത്രമെ പോകു . മുന്നോട്ടു കുതിക്കുന്ന ഐശ്വര്യം). ഐശ്വര്യ സ്വരൂപമേ അങ്ങയുടെ ദയയാല് ഞങ്ങള് ഉത്തമ മനുഷ്യരാകട്ടെ. വീരന്മാരില് വീരരാകട്ടെ. ശ്രേഷ്ഠരില് ശ്രേഷ്ഠരാകട്ടെ.
ഓം ഉതേ ദാനീം ഭഗവന്ത സ്യാമ
ഉതപ്രപിത്വ ഉതമദ്ധ്യേ അഹ്നാം
ഉതോദിതാ മഘവന് സൂര്യസ്യ
വയം ദേവാനാം സുമതൌ സ്യാമ ||
അര്ത്ഥം : അല്ലയോ ഭഗവാനെ ഈശ്വരാനുഗ്രഹത്താല് ഞങ്ങള്ക്ക് ഉയര്ച്ചയും മഹത്വവും ഉണ്ടാകട്ടെ. സ്വന്തമായി പ്രവര്ത്തിക്കാനുള്ള കഴിവ് ഉണ്ടാകട്ടെ. അങ്ങിനെ ഞങ്ങള്ക്ക് ഈ രാവിലെയും ഉച്ചക്കും ഐശ്വര്യവും ശക്തിയും ഉണ്ടാകട്ടെ. അതുമാത്രമല്ല ഈ ദിവസം മുഴുവന് ഞങ്ങള്ക്ക് നല്ലവരുമായി അടുക്കാന്, സമയം ചെലവഴിക്കാന് കഴിയുമാറാകട്ടെ. നല്ല വിദ്വാന്മാരുടെയും ധര്മത്തില് ജീവിക്കുന്നവരുറെയും നല്ല ബുദ്ധി ഉള്ളവരുടെയും പ്രേരണ ലഭിക്കേണമേ. അങ്ങിനെ ഞങ്ങള് എല്ലായിപ്പോഴും പ്രവര്ത്തി ചെയ്യുന്നവരാകട്ടെ. ഇന്നുമുതല് ഈ നിമിഷം മുതല് ഞാന് സദാ പ്രവര്ത്തിചെയ്യും. ആ പണം വീടിന്റെ ഐശ്വര്യത്തിനും നാടിന്റെ ഐശ്വര്യത്തിനും ഞാന് നല്കും.
ഓം ഭഗ ഏവ ഭഗവാന് അസ്തു ദേവാ:
തേന വയം ഭഗവന്ത സ്യാമ
തം ത്വാ ഭഗ സര്വ്വ ഇജ്ജോഹവീതി
സനോ ഭാഗപുര ഏതാ ഭവേഹ||
അര്ത്ഥം : ഈശ്വരാ അങ്ങയുടെതാണ് എല്ലാ ഐശ്വര്യവും. ആ ഐശ്വര്യം എന്റെ വീട്ടിലും ഉണ്ടാകണമേ . ഈശ്വരാ ഉള്ളഴിഞ്ഞു ഞാന് പ്രാര്ത്ഥിക്കുകയാണ്. എല്ലാ ഐശ്വര്യവും അങ്ങ് നല്കിയാലും. അത് ഞാന് ഈ ലോകത്തിന്റെ ഉപകാരത്തിനു ഉപയോഗിക്കും. അതിന് എന്റെ ഈ ശരീരം, മനസ്സ്, ധനം എന്നിവ പ്രയോഗിക്കാന് ഈശ്വരാ അനുഗ്രഹിച്ചാലും.
സമധ്വരാ യോഷ സോന മന്ത
ദധിക്രാവേവ ശുചയേ പദായ
അര്വ്വാചീനം വസുവിദം ഭഗന്ന:
രഥമിവാശ്വാ വാജിന ആവഹന്തു||
ഇങ്ങനെ ദിവസവും നിങ്ങളെ ആഹ്വാനം ചെയ്യുന്നു. പവിത്രസ്ഥാനമായ ദധിക്രാവനത്തില് എങ്ങനെയാണോ ശക്തിശാലികളായ കുതിരകള് രഥത്തെ വലിക്കുന്നത് അതു പോലെ അത്രയും ശക്തിയോടെ അങ്ങനെ ആഹ്വാനം ചെയ്യുന്നു.
അശ്വാവതീ ഗ്ഗോര്മതീര്ന്ന ഉഷാസ:
വീരവതീസ്സദമുച്ഛന്തു ഭദ്രാ:
ഘൃതന്ദു ഹാനാ വിശ്വത: പ്രപീതാ
യൂയം പാത സ്വസ്തിഭിസ്സ ദാന:
ഇപ്രകാരം എന്നും പ്രഭാതങ്ങളില് എല്ലാവര്ക്കും സമ്പത്തും കുതിരകളും യോദ്ധാക്കളും ലഭിക്കുവാന് ആശീര്വദിച്ചാലും.
No comments:
Post a Comment